Cynorthwywyr ffisiotherapi/gweithwyr cymorth

Mae cynorthwywyr ffisiotherapi yn gwneud gwahaniaeth i fywydau ein cleifion bob dydd trwy eu helpu i wella o ystod o afiechydon a chyflyrau. Mae hefyd yn llwybr i ddod yn ffisiotherapydd.

Maen nhw’n tywys grwpiau o bobl trwy ymarferion a thechnegau ymlacio i’w helpu i reoli poen cronig. Maen nhw hefyd yn dysgu cleifion sut i ddefnyddio cymhorthion cerdded newydd ac yn nodi’r ffitiadau y gallai fod eu hangen arnyn nhw i fynd o gwmpas yn ddiogel.

Gan weithio gyda ffisiotherapydd, gallai eich gwaith gynnwys:

• Gosod offer
• Dangos i gleifion sut i ddefnyddio cymhorthion symudedd
• Helpu cleifion i baratoi ar gyfer triniaeth (gan gynnwys helpu gyda gwisgo a dadwisgo)
• Gweithio ar ymarferion gyda chleifion
• Ysgrifennu adroddiadau a diweddaru cofnodion cleifion

Efallai y byddwch yn gweithio gydag unigolion neu grwpiau o bob oed a sefyllfa sydd ag ystod o gyflyrau, gan gynnwys:

• Niwrolegol (Sglerosis Ymledol, Strôc, Parkinson’s)
• Niwro-gyhyrysgerbydol (poen cefn, anhwylder cysylltiedig â chwiplach, anafiadau chwaraeon, arthritis)
• Cardiofasgwlaidd (clefyd cronig y galon, adsefydlu ar ôl trawiad ar y galon)
• Anadlol (asthma, clefyd rhwystrol cronig yr ysgyfaint, ffibrosis systig)

Gallech fod yn gweithio mewn:

• Adrannau cleifion allanol
• Iechyd menywod
• Gofal yr henoed
• Gwasanaethau strôc
• Orthopedeg
• Gwasanaethau iechyd meddwl ac anableddau dysgu
• Iechyd galwedigaethol
• Pediatreg