Ein Buddion

Ym Mwrdd Iechyd Prifysgol Bae Abertawe rydym ni’n credu y dylai ein staff dderbyn gofal da. Dyna pam rydym ni’n cynnig amrywiaeth o fuddion, rhai yn rhan o’r GIG ac eraill yn gyfyngedig i’n Bwrdd Iechyd.

Gweld swyddi gwag

Close up, woman in uniform holding iPad with head out of frame

Hand holding scanner, scanning phone being held by a different hand

Cipolwg:

Datblygiad

Ein nod yw ‘datblygu ein dawn ein hunain’ a chael cyfleoedd hyfforddi a datblygu cyflogedig rhagorol ar waith, gyda chefnogaeth absenoldeb astudio.
Gwyliau Blynyddol Hael

28 diwrnod o wyliau blynyddol y flwyddyn YNGHYD â gwyliau banc pan fyddwch yn cael eich penodi, yn codi i 30 diwrnod ar ôl pum mlynedd a 34 diwrnod ar ôl deng mlynedd o wasanaeth. ‘Cynllun Prynu Gwyliau’ hefyd ar gael.
Iechyd Galwedigaethol a lles staff

Mae gan bob gweithiwr fynediad at ein gwasanaethau Iechyd Meddwl Iechyd, sy’n gallu cefnogi staff sydd ag anghenion lles emosiynol, yn ogystal â materion MSK (Cyhyr-ysgerbydol).
Parcio am ddim

Ym mhob un o’n safleoedd ysbytai
Cynllun prydlesu ceir
Cynllun beicio ar gyfer iechyd

Manteision beicio i’r gwaith; beth am fod â ffordd o fyw iachach, lleihau eich ôl troed carbon a thorri costau cymudo? Mae terfyn o £3,000 i ddarparu amrywiaeth ehangach o feiciau gan gynnwys e-feiciau. Ewch i www.cycle2work.info am fwy o wybodaeth. Mae sesiynau ‘meddygon’ beiciau ar gael hefyd drwy gydol y flwyddyn lle gall yr holl staff ddod â’u beiciau draw i gael eu gwasanaethu AM DDIM (mae’r gwaith atgyweirio yn cynnwys pynctiars brêcs a cheblau, a throi geriau).
Cynllun Pensiwn Cyfrannol Ardderchog

Mae Cynllun Pensiwn y GIG yn parhau i fod yn un o’r cynlluniau mwyaf cynhwysfawr a hael yn y DU ac mae’n rhan allweddol o’r cynnig gwobrwyo i weithwyr yn y GIG. Mae’r manteision yn cynnwys; rhyddhad treth, hyblygrwydd a chyfraniad gan gyflogwr.
Gostyngiadau’r GIG

Cyfle i fanteisio ar amrywiaeth o gynlluniau gan gynnwys Cerdyn Golau Glas.

Byd o gyfleoedd

Rydym ni nid yn unig yn gofalu am boblogaeth Abertawe a Chastell-nedd, ond mae ein gwasanaethau trydyddol yn mynd y tu hwnt ac mor bell i ffwrdd â De-orllewin Lloegr.

Drwy ymuno â ni, byddwch yn dod i gysylltiad ag ystod eang o gyfleoedd gyrfa trwy ein gwasanaethau, sy’n cynnwys:

Gwasanaethau rhanbarthol ar gyfer cardioleg, llawfeddygaeth gardiothorasig, plastigau, trawma, arennol, strôc a niwroleg
Gwasanaeth gwefusau a thaflod hollt pediatrig cenedlaethol i boblogaeth o 2.3 miliwn
Sefydliad Llawfeddygaeth Gordewdra a Metabolaidd Cymru
Canolfan Llosgiadau a Llawfeddygaeth Blastig Cymru, sy’n darparu gwasanaeth i Dde a Chanolbarth Cymru a De-orllewin Lloegr
Canolfan Ganser De-orllewin Cymru gyda Chanolfan Maggie’s newydd wych wedi’i hadeiladu ar ei thir
Gwasanaeth Adsefydlu Niwro Rhanbarthol
Gwasanaethau Iechyd Meddwl Fforensig (ar gyfer De Cymru gyfan)
Gwasanaethau Anabledd Dysgu (o Abertawe i Gaerdydd)
Gofal Dwys Newydd-anedig Rhanbarthol
Obstetreg dan arweiniad meddygon ymgynghorol yn Ysbyty Singleton, sy’n delio â’r achosion mwyaf cymhleth o bob rhan o Dde-orllewin Cymru
BIP Bae Abertawe sy’n rheoli gwasanaeth IVF y GIG ar gyfer De Cymru
Mae Ysbyty Treforys hefyd yn cynnal llawdriniaethau agored ar y galon yn ei Ganolfan Gardiaidd, un o ddau ysbyty yn unig yng Nghymru sy’n darparu’r gwasanaeth hwn; (Caerdydd yw’r llall)

Woman and young boy touching heads and smiling at eachother

Woman in medical uniform pointing to a machine with male collegue with back to frame

Nid yw’r cyfan yn ymwneud â gofal yn yr ysbyty

Ar hyn o bryd rydym ni’n cyflwyno wardiau rhithwir yn y gymuned, gyda thimau amlddisgyblaethol ar wahân, gan dargedu anghenion iechyd a gofal cymdeithasol penodol y boblogaeth glwstwr rydym ni’n eu gwasanaethu.

Rydym ni hefyd yn rhan o Gydweithrediad Rhanbarthol ar gyfer Iechyd (ARCH), partneriaeth gyda Bwrdd Iechyd Prifysgol Hywel Dda a Phrifysgol Abertawe. Mae ARCH yn brosiect cydweithredu unigryw sydd â’r nod o wella iechyd, cyfoeth a lles De-orllewin Cymru, felly mae’n amser cyffrous i ymuno â’r sefydliad.

Mae gweithio mewn Bwrdd Iechyd gyda chymaint o wasanaethau trydyddol yn cynnig llawer iawn o gyfle a phrofiad i’w hymgorffori yn eich gyrfa. Cysylltwch â ni heddiw i ddarganfod beth allai eich cam nesaf chi fod!