Nyrsio Plant
Nyrsio Plant
Mae Gwasanaethau Plant Bwrdd Iechyd Prifysgol Bae Abertawe yn darparu gofal cyfannol i fabanod, plant, pobl ifanc a’u teuluoedd.
Nyrsio Plant ym Mwrdd Iechyd Prifysgol Bae Abertawe
Mae gan blant yr hawl i gael eu clywed. Rydym yn anelu at ddarparu’r gwasanaethau gorau trwy ymgysylltu â phlant a phobl ifanc, gan geisio eu teimladau a’u barnau ar yr hyn sy’n bwysig iddynt. Mae ein Siarter Plant a’n Haddewidion Hawliau Plant yn gosod y safon o’r hyn y gall plant a phobl ifanc ei ddisgwyl ohonom, ac yn cwmpasu hawl y plentyn i oroesi, tyfu a chyflawni ei botensial.
Cyfleoedd llwybr gyrfa
Mae potensial enfawr i chi ddatblygu eich sgiliau a’ch gwybodaeth. Mae cyfleoedd i ofalu am blant ag anghenion meddygol, llawfeddygol, llosgiadau, oncoleg, ac anghenion gofal iechyd heb eu trefnu a chymhleth. Mae datblygiad proffesiynol yn allweddol i’n hymarfer, ac rydym ni’n rhagweld y byddwch chi’n manteisio ar y cyfleoedd a ddaw i’ch rhan.
Pam dewis BIP Bae Abertawe ar gyfer Nyrsio Plant?
Fel nyrs plant yn BIP Bae Abertawe byddwch yn rhan o dîm sy’n eich cefnogi a’ch gwerthfawrogi, ac yn un sy’n rhoi diwylliant ein gweithlu ar flaen ein timau.
Cefnogaeth
Byddwch yn derbyn cyflwyniad a sesiwn ymgyfarwyddo i’ch maes gwaith i sicrhau eich bod yn gyfarwydd â’r amgylchedd ac yn gallu gweithio’n effeithiol. Byddwn yn darparu hyfforddwr wedi’i ddyrannu i chi i gefnogi eich trosglwyddiad i’n hadran. Byddwch hefyd yn cael mynediad at oruchwyliaeth glinigol drwy gydol eich cyflogaeth gyda ni.
Byddwn yn gwerthfawrogi ac yn gwrando ar eich adborth a byddwn yn gweithio mewn partneriaeth i ddatrys unrhyw bryderon sydd gennych chi. Ym Mwrdd Iechyd Prifysgol Bae Abertawe byddwch yn aelod gwerthfawr o’r tîm amlddisgyblaethol a gallwch ddisgwyl cefnogaeth gan eich holl gydweithwyr.
Diwylliant
Byddwn yn darparu diwylliant cadarnhaol yn y gweithle lle caiff dysgu a datblygu eu hannog, a lle mae datblygiad proffesiynol yn cael ei gymeradwyo.
Darganfyddwch pam ddylech chi weithio i ni.
Gweler rhestr lawn o fuddion gweithwyr.
Ein rolau
Mae ystod eang o rolau a chyfleoedd gyrfa i’w darganfod yn ein his-adran Nyrsio Plant.
Cyfleoedd i nyrsys cymunedol
Mae’r tîm nyrsio cymunedol plant yn cael y fraint o weithio gyda llawer o blant...
Cyfleoedd nyrsio newydd-anedig
Fel uned newydd-anedig drydyddol, rydym ni’n darparu'r gofal gorau i gleifion newydd-anedig a'u teuluoedd...
Nyrs plant
Mae cyfleoedd datblygu gyrfa yn cynnwys...
Gwybodaeth ychwanegol
Mae’r Tîm Nyrsio Cymunedol Plant yn tyfu ac yn esblygu, ac mae rolau newydd yn cael eu cyflwyno. Yn ddiweddar, rydym ni wedi datblygu rôl Band 4 – Uwch Weithiwr Cymorth Gofal Iechyd Plant. Bydd hyn yn cynnwys hyfforddiant manylach a dirprwyo tasgau mwy cymhleth gan y Tîm Nyrsio Cymunedol Plant a lefel uwch o wybodaeth a chyfrifoldeb am yr Uwch Weithiwr Cymorth Gofal Iechyd.
Mae ymdeimlad gwirioneddol o berthyn
yn y bwrdd iechyd ac yn fy nghymuned leol
