Nyrsio Iechyd Meddwl ac Anabledd Dysgu
Nyrsio Iechyd Meddwl ac Anabledd Dysgu
Mae gwasanaethau iechyd meddwl wedi newid yn sylweddol dros y degawd diwethaf yn fwy neu lai. Mae’r Bwrdd Iechyd bellach yn darparu safle gwasanaeth cymunedol cryf a ategir gan ofal wedi’i foderneiddio, yn addas at y diben mewn ysbyty. Mae gwasanaethau camddefnyddio sylweddau yn cael eu cynllunio a’u comisiynu ar gyfer ardal Bae Abertawe gan Fwrdd Cynllunio Ardal Camddefnyddio Sylweddau Bae’r Gorllewin. Darperir gwasanaethau iechyd meddwl ar draws gwasanaethau i oedolion, pobl hŷn, adsefydlu ac adfer, gwasanaethau diogelwch isel, CAMHS (Gwasanaethau Iechyd Meddwl Plant a’r Glasoed), mewngymorth carchardai ac amenedigol. Mae gwasanaethau cleifion mewnol wedi’u lleoli yn ysbytai Cefn Coed, Tonna a Chastell-nedd Port Talbot.
Rydym hefyd yn darparu Gwasanaethau Iechyd Meddwl Diogelwch Canolig Fforensig yn rhanbarthol i bob bwrdd iechyd yng Nghanolbarth a De Cymru sy’n cynnwys cyfleusterau cleifion mewnol ym Mhen-y-bont ar Ogwr a gwasanaethau ôl-ofal cymunedol ehangach.
Mae’r Gwasanaethau Anabledd Dysgu yn wasanaeth rhanbarthol a ddarperir ar draws ardal sy’n ymestyn ar hyd Coridor yr M4 o Abertawe i Gaerdydd yn ardaloedd Byrddau Iechyd Cwm Taf, Caerdydd a’r Fro a Prifysgol Bae Abertawe ar sail cleifion mewnol a chymunedol. Mae’r holl wasanaethau’n amrywiol ac yn cynnig cyfoeth o gyfleoedd gyrfa i’r rhai sydd am gefnogi pobl ag anableddau dysgu ac iechyd meddwl er mwyn byw bywydau gwerthfawr a chyflawn.
Iechyd Meddwl ac Anableddau Dysgu yn BIP Bae Abertawe
Mae’r grŵp gwasanaeth yn cynnal gwerthoedd y sefydliad ar gyfer staff a chleifion. Rydym yn gweithio i ddarparu a bod y gorau y gallwn fod, a gyda hyn mewn golwg, cefnogi ein staff i ddatblygu, dysgu a hyrwyddo ein gweledigaeth ar gyfer Anabledd Dysgu, Nyrsio Fforensig ac Iechyd Meddwl. Rydym yn gweithio gyda’n hystadau cleifion mewnol ac yn adolygu ein hamcanion ar gyfer cefnogi pobl ag anableddau dysgu a chyflyrau Iechyd Meddwl i fyw bywydau iach, ystyrlon ac ymgysylltiedig yn eu cymunedau lleol.
Darganfyddwch pam ddylech chi weithio i ni.
Gweler rhestr lawn o fuddion gweithwyr.
Cyfleoedd llwybr gyrfa
Cyfleoedd Nawdd
Rydym yn hapus i gynnig nawdd i nyrsys tramor sydd wrthi’n cofrestru gyda’r Cyngor Nyrsio a Bydwreigiaeth i weithio yn ein gwasanaethau Fforensig, Anabledd Dysgu ac Iechyd Meddwl.
Nyrsys Cofrestredig
Mae nifer o lwybrau gyrfa ar gyfer Gweithwyr Cymorth Gofal Iechyd sy’n dymuno mynd ar drywydd bod yn Nyrs Gofrestredig gan gynnwys opsiwn rhan-amser ar gyfer astudio gyda’r Brifysgol Agored a lleoliadau astudio noddedig mewn prifysgolion lleol. Ar gyfer Nyrsys Cofrestredig mae nifer o gyfleoedd gyrfa mewn rolau ar draws y grŵp gwasanaeth o Nyrs Staff Band 5 i Bennaeth Nyrsio 8C. Rydym yn cefnogi ein holl staff Nyrsio i gymryd rhan mewn llwybrau gyrfa, mae’r llwybr Arweinyddiaeth Nyrsys yn un enghraifft a gefnogir gan ein Tîm Dysgu a Datblygu mewnol mewn cydweithrediad â Choleg Gŵyr, model achrededig o Arweinyddiaeth a Dysgu.
We also have an established in-house physical intervention training organisation status certificated against the restraint reduction training network standards. We have trained OSCE facilitators within the service.
Mae gennym hefyd statws sefydliad hyfforddiant ymyrraeth gorfforol fewnol wedi’i ardystio yn erbyn safonau’r rhwydwaith hyfforddi lleihau arferion cyfyngol. Mae gennym ni hwyluswyr OSCE wedi’u hyfforddi o fewn y gwasanaeth.
Rolau Clinigol
Mae gennym hefyd rôl Nyrs Ymgynghorydd Anabledd Dysgu sy’n adlewyrchu llwybr arweinyddiaeth academaidd a chlinigol ar lefel uwch ac mae gennym rolau Uwch-ymarferydd Nyrsio yn ein Gwasanaethau Iechyd Meddwl.
Mae rolau clinigol, yn cynnwys llwybrau o fewn ein gwasanaethau Cymunedol a Wardiau Cleifion Mewnol yn ogystal â chyfleoedd ar draws timau arbenigol megis y Timau Cymorth Ymddygiadol Dwys mewn Anabledd Dysgu ein Tîm Arbenigol Plant (Wynebu’r Her) Gwasanaethau Nyrsio Fforensig Gofal Cymunedol, Gwasanaethau Cymunedol Amenedigol, Gwasanaethau Anhwylderau Bwyta, Tîm Cyffuriau ac Alcohol Cymunedol i enwi ond ychydig.
Pam dewis BIPBA ar gyfer Nyrsio IM ac AD?
- Trefniadau gweithio hyblyg dros 24/7
- Cyfleoedd amrywiol
- Cefnogaeth ar gyfer dysgu a datblygu
- Amgylchedd anogaeth
- Rydym yn hyrwyddo ymarfer ymreolaethol tra’n rhan o dîm estynedig
- Gweithio amlddisgyblaethol
- Yn rhagweithiol mewn ystyriaethau i Iechyd y Cyhoedd/Diogelu’r Cyhoedd
- Cyfleoedd i weithio gyda rhanddeiliaid cymunedol eraill (Awdurdod Lleol, Trydydd Sector, Cartrefi Gofal)
- Arwain y ffordd ar draws Cymru mewn sawl maes, cyfleoedd sgiliau cymysg , rolau newydd, digideiddio
- Datblygu gweithlu nyrsio sy’n addas i’r diben ac sy’n adlewyrchu tirwedd newidiol gofal iechyd
- Y gallu i ddylanwadu ar newid a diogelu’r gwasanaethau yn y dyfodol yn seiliedig ar anghenion esblygol ein grŵp cleifion
- Creu gwasanaethau cynaliadwy drwy ddatblygu rolau arloesol newydd i wella recriwtio, cadw a chynllunio olyniaeth
- Cefnogi ymddeol, dychwelyd a phatrymau gweithio hyblyg gan gynnwys rhannu swydd
- Cefnogi swyddi cylchdro ar draws gwasanaethau
- Darparu cymorth Lles drwy TRiM (Rheoli Risg Trawma) a Chynghorydd Staff ymroddedig
Gwybodaeth Ychwanegol
Rydym yn cynnwys ein defnyddwyr gwasanaeth a’n nod yw gweithio mewn ffordd gydgynhyrchiol, gan gynnig cyfleoedd am swyddi a chael ymgysylltiad cadarnhaol â phobl â phrofiad byw i ymgysylltu â staff gweithlu’r dyfodol i wneud y dewisiadau cywir ar gyfer datblygu ein gwasanaeth ar draws pob maes clinigol.
