Bydwreigiaeth
Bydwreigiaeth
Mae Bwrdd Iechyd Prifysgol Bae Abertawe yn eich croesawu i ymuno â’n tîm bydwreigiaeth anhygoel i’n helpu i gefnogi menywod Bae Abertawe a’r cymunedau gerllaw.
Datblygwyd gwerthoedd ein tîm drwy wrando ar ein defnyddwyr gwasanaethau, y gymuned a’n staff. Maent yn dangos ein hymrwymiad i gydraddoldeb ac maent wrth wraidd popeth a wnawn. Dyma’r gwerthoedd – gofalu am ein gilydd, cydweithio a gwella bob amser. Dyma rywbeth yr ydym ni yng ngwasanaethau bydwreigiaeth yn anelu ato bob dydd.
Bydwreigiaeth yn BIP Bae Abertawe
Mae BIP Bae Abertawe yn cynnwys poblogaeth o tua 390,000 yn ardaloedd Castell-nedd, Port Talbot ac Abertawe.
Mae Ysbyty Singleton yn cynnal ystod o wasanaethau mamolaeth, gan gynnwys:
- Clinigau cyn geni
- Uned asesu dydd
- Uned asesu acíwt
- Ward cyn-geni
- Ein huned geni bae dan arweiniad bydwreigiaeth
- Ward esgor
- Ward ôl-enedigol
- Theatr obstetreg
- Cysylltiadau agos gyda’n huned drydyddol newydd-anedig ar y safle a’r uned gofal trosiannol ar ward cyn geni
Ochr yn ochr ag Ysbyty Singleton mae gennym ni Dîm Bydwreigiaeth Cymunedol sy’n cefnogi cleifion yn y gymuned.
Mae gwasanaethau mamolaeth Ysbyty Castell-nedd Port Talbot yn cynnwys:
- Clinigau cyn geni
- Uned Asesu Dydd
- Uned dan Arweiniad Bydwragedd
Mae gennym ni hefyd Dîm Bydwreigiaeth Cymunedol yng Nghastell-nedd Port Talbot sy’n cefnogi cleifion yn y gymuned.
Cyfleoedd llwybr gyrfa
Mae ystod eang o rolau a chyfleoedd gyrfa i’w darganfod yn ein his-adran Gwasanaethau Mamolaeth.
Staff cofrestredig:
- Bydwragedd Band 5
- Bydwragedd Band 6
- Bydwragedd Band 7 (gan gynnwys bydwragedd arbenigol, Cydlynwyr a rheolwyr wardiau)
- Uwch Reolwyr (bydwragedd cofrestredig)
Staff Cymorth:
- Gweithiwr cymorth gofal iechyd (HCSW)
- Cynorthwywyr Gofal Mamolaeth
- Nyrsys Meithrin
- Rolau Gweinyddol:
- Clercod Ward
- Ysgrifenyddion
- Derbynyddion ANC
- Rheolwr Cymorth
- Rheolwr Gwasanaeth
Pam dewis BIP Bae Abertawe ar gyfer Bydwreigiaeth?
Yn BIP Bae Abertawe rydym ni’n falch o’n tîm Bydwreigiaeth anhygoel sy’n cefnogi menywod Abertawe a’r cymunedau cyfagos. Mae gennym amrywiaeth o rolau yn y gwasanaeth sy’n cynnwys:
- Bydwragedd — Rydym ni’n hysbysebu ar wahân ar gyfer rolau Uned Obstetreg a Chlinig Cymunedol a Chlinig Cyn-enedigol i sicrhau ein bod yn eich rhoi yn y maes o’ch dewis a’ch datblygu yn eich meysydd diddordeb dewisol.
- Bydwragedd Arbenigol – Mae gennym ni amrywiaeth o rolau bydwreigiaeth arbenigol o fewn BIP Bae Abertawe ac rydym yn ymdrechu i ddarparu gofal arbenigol trwy ein bydwragedd lle bynnag y bo modd – gan weithio tuag at gyflawni ein nod o barhad gofal.
- Gweithwyr Cymorth Gofal Iechyd – Mae gennym rolau HCSW yn ein Huned Obstetreg a’n Clinig Cyn-enedigol a llwybrau clir i’w datblygu pe byddech yn dymuno symud ymlaen yn y maes hwn yn ein gwasanaeth.
- Cynorthwywyr Gofal Mamolaeth (rolau Band 3 a 4) – Mae gennym ni rolau MCA Band 3 yn ein Huned Obstetreg a’n Timau Cymunedol ac rydym yn edrych ar ddatblygu rôl Band 4 yn fuan.
- Nyrsys Meithrin – Mae ein tîm cymorth clinigol hefyd yn cynnwys rolau Nyrsys Meithrin sy’n cefnogi ein ward ôl-enedigol.
- Rolau gweinyddol – Mae gennym ni nifer o rolau gweinyddu gwahanol yn y Gwasanaethau Mamolaeth, mae’r rhain yn cynnwys staff derbynfa clinig cyn geni, clercod ward, a goruchwylwyr.
Mae ein staff yn darparu gofal cefnogol i fenywod drwy gydol pob cam o feichiogrwydd a genedigaeth naill ai mewn lleoliad cymunedol neu ysbyty, gan sicrhau bod gan fenywod fynediad at gymorth a chyngor bydwreigiaeth rhagorol ar sail 24 awr.
Mae hwn yn gyfnod mor gyffrous i ymuno â thîm sydd ar flaen y gad o ran trawsnewid gwasanaethau i ddiwallu anghenion ei phoblogaeth nawr ac ar gyfer y dyfodol.
Darganfyddwch pam ddylech chi weithio i ni.
Gweler rhestr lawn o fuddion gweithwyr.
Ein rolau
Mae amrywiaeth eang o rolau a chyfleoedd gyrfa i’w gweld yn ein his-adran Gwasanaethau Mamolaeth.
Bydwragedd
Fel bydwraig gymwysedig, mae ystod eang o gyfleoedd sy'n agored i chi...
Staff cymorth
Mae Bwrdd Iechyd Prifysgol Bae Abertawe yn awyddus i ddarparu ar gyfer datblygu ein staff cymorth...
Staff gweinyddol
Mae gennym ni sawl rôl yn ein tîm gweinyddol Mamolaeth sy'n amrywio o Fand 2 i Fand 7...
Mae ymdeimlad gwirioneddol o berthyn
yn y bwrdd iechyd ac yn fy nghymuned leol